الكريمات الطبيه لجميع البشرات..............................................................

السلام عليكم ورحمة الله وبركاته
قررت اني اقولكم على تجربتي الروعه انا كنت ذاكره الخلطه بموضوع بس ما جربتها بس الحين انا قاعده اجربها و صارلي تقريبا شهرين و انا استعملها ما نطرت ليما اخلص الشهر الثالث و طيران اقولكم على تجربتي شي فظييييييييييييع جد جد روعه بكل معنى الكلمه ما احس انه في خلطه مضمونه تسوي هالنتايج مثل هالخلطه و الحلوووو انه كلها كريمات طبيه و الله يا بنات غيرت بشرتي من حال الى حال الحمدالله ..

كانت بشرتي عاديه ما فيها نضاره و كانت مختلطه مره تصير دهنيه و مره تصير جافه و جسمي انا حيل ابيض من وجهي هذا اللي كان يضايقني و كان فيني بقايا اثار جم حبه مو راضيه تروح جننتني ..

بس الحمدالله الحين تغيرت 360 درجه بفضل رب العالمين و هالخلطه الروعه بس نتايجها تطول يعني انا من اخر الشهر الاول بدت النتايج و الحين انا بشهر الثاني الحمدالله حيل فرق معاي حتى رفيجتي من صدمه مني تقولي شنو حاطه بوجهج مو مصدقه انه هذي بشرتي لا و الخدود ورديه تجنن وصفاة و بياض و لون واحد

و صار اي كريم اساس روعه على بشرتي اول انا ما يناسبني اي كريم الحين روعه اي شي احطه و احيانا احط بودر و يطلع حلوووو على بشرتي ..

مـــــكـــــونـــــات :

* كريم ريتن اي ( مقشر للبشره )
* كريم الدوكين فور ( يوحد لون البشره )
* كريم افالون ( تفتيح وتبييض البشره )
* إيلكوم او بيردر للحساسيه ( يخفف اي اثار يسببه الريتن اي من تقشير او احمرار )

انا كنت اخلطهم مع بعض و قبل لا انام اغسل بصابونة طبيه و احطها بس تحت عيني لأ و لما اقوم الصبح هم ارجع اغسل بصابونة طبيه .. و دايما ارطب بشرتي بكريم مرطب سيباميد و انتبهوووو لازم تكون كل الشغلات اللي تستخدمينها بهالفتره طبيه و ممنوع تطلعين بالشمس الا بواقي و لا بتكون النتايج عكسيه ..

و هالخلطه بالبدايه اثارها خايسه يتقشر وجهج و يصير احمر و تطلعلج حبوب لانه كل الحبوب اللي تحت الجلد راح تطلعها لانها راح تولد لج بشره صافيه فتعالج البشره من الداخل بس هذا كله ما يهم لي شفتي النتيجه النهائيه بتطيرين من الوناسه و يستحسن انج تستخدمينها ما يكون عندج شي فاضيه و قاعده بالبيت لانه بالبدايه بتتقشر بشرتج و كلش مو حلووو المكياج بكون و اهيا مقشره و لا تستعملونها الحين لانه العيد جاي و اهيا تطول على ما تبين النتايج ..

و اللي ناويه تستخدمها تنتبه على هالشغلات المهمه :

كل المنتجات اللي لازم تستخدمينها تكون طبيه يعني راح تستخدمين صابونه طبيه + كريم مرطب طبي + كريم حمايه من الشمس و ما تتعرضين للشمس نهائيا الا للضروره القصوى و تكونين حاطه حمايه ..

و بهذي الفتره كل الماسكات و الخلطات للوجه راح تتركينها و الاسكينول راح تخلينه و السنفرات و المقشرات ما تستخدمين الا اللي ذكرتهم و كل شي يكون طبي $E:\Images:E:\Images\0002020350[1$ $E:\Images:E:\Images\0002020350[1$ $E:\Images6797[1].$

» تهنئه بمناسبة عيد الاضحي لجميع اعضاء المنتدي.................